Gaano ba kasakit ang breakups? Katulad din ba ito ng mga pagkabasted na parang dinadaanan ng pison ang puso mo? Eto ba yung point ng relasyon niyo na pilit kang naghahanap ng kanta na babagay sa pakikipag break sabay iiyak habang kinakanta ito? Buti nga di applicable dito yung karaniwang sinasabi ng mga matatanda na di ito tulad ng mainit na kanin na pag sinubo at napaso e pede mo isuka. Isuka tala yung term. Parang yung pelikula ni judy ann at ni ryan agoncillo. (basta pinanood namin to nila vanessa sa sinehan :D).
Okay.. Moving on..
Ang paghihiwalay ay karaniwang desisyon ng parehong kampo. Kumbaga sa gera eh sabay nagtaas ng puting bandera habang sinasabing "Tama na! suko na ako!" .. Karaniwan kasing hindi magkasundo sa maraming bagay kaya nauuwi sa hiwalayan. Di mo naman masisisi ang dalawang tao kasi nga masaya naman ang umpisa. Kaya lang nga, habang tumatagal, mas lalo nyo nakikilala ang isa't isa at dito na mararamdaman ang pagkayamot sa karelasyon mo. Dito na lalabas yung mga natatagong baho at kung ano pang skin diseases at mage`end up nga ng hiwalayan. Hindi compatible eh. Di rin naman pwedeng ipilit. :)
Meron din namang one-sided ang break ups. Ito yung mga tipong katulad ng nasulat ko sa unang parte ng breakups makaraan na ang mga linggo. Sinabi dun na "it's not you. It`s me". Ano nga ba magagawa kung talagang ayaw na nung isa sayo. Buti kung katulad ko kayong lahat -- tanga, bobo, uto uto kumabaga martyr type. Hindi naman lahat may tililing na katulad ko. Mapapakanta ka na lang ng Hurting Inside ng FOJ dahil nga, syempre, masakit. Mas doble ang sakit nito sa isa kasi ayaw mo pa eh. Gustom mo pa magwork out yung relasyon pero wala. Para ka lang tanga at bobo na pilit ng pilit sa isang bagay na wala ng saysay at wala ng patutunguhan.
Naisip ko nga bigla, kaya siguro naimbento ang mga monthsaries kasi sa panahong ito, bihira na lang talaga ang nakakaabot at nakakapagcelebrate ng anniversaries. Para kasing ang hirap na maghanap ng talagang kamatch mo. Buri sana kung lahat eh parang yung commercial nung Nestle 100 years na simula pagkabata hanggang pagtanda eh magkasama pa rin sila. O kaya yung commercial ng McDo na sa simpleng fries lang ay makukuha na ang loob mo. Minsan nga naiisip ko pang kwentong barbero na lang yun. Minsan nga mas ok pang mahalin mo na lang ng barbero kasi makikinig yun sa lahat ng sasabihin mo. hindi yan kokontra sa yo at basta lagi ka lang magpapagupit sa kanya.
May nabasa nga ako long time ago sa tumblr, eh. Itong si lalaki ay gwapo. Lagi silang magkaaway ng jowa niya. Pero lamang ito si lalake. Alam niya kasing inde siya kayang iwan nung babae. Kaya malakas loob nito maghamon ng hiwalayan kasi alam niyang di kaya nung babae. Nagulat na lang ang sambayanan(LOL) isang araw na may nabalitaan na lang na patay na pala yung lalake. Rason? Nagbigti kasi di kinaya nung nakipagbreak sa kannya tuluyan yung babae. Ironic right? Very very ironic.
Masakit talaga ang breakup. Ilan lang talaga ang matibay ang dibdib o makapal ang mukha na hindi tinatablan nito. Biruin mo, magpupuhunan ka ng sangkaterbang emosyon at pagmamahal pero sa huli malulugi ka lang at mapipilitan kang magsara...... magsara ng puso. Hindi ko alam kung pano nakakamoveon pero sabi nga nila, time heals all wounds. ang problem lang dito hindi mo masasabi kung kelan dadating yung time na yun. Minsan ilang araw lang. Minsan isang linggo.
Minsan buwan.... taon.. siglo. Minsan nga hindi na talaga, eh. Kasi pinanghahawakan mo pa din ang salitang ipinangako niyo sa isa`t isa nung kayo pa (zzzzzz. mey nakakarelate. haha). Hindi mo malalaman kung kelan mo masasabi na "Ok na ko". Hindi mo malalaman na handa ka na pa lang umabante sa buhay at kalimutan na kung ano mang sakit ang naranasan mo sa nakaraan. It takes time to heal all wounds nga daw.... pero time din ang nakakasira sa bait ng isang tao.
At eto lang talaga ang masasabi ko.. minsan kahit sabihin ayaw mo na, kusa na lang nagbabago ang lahat. Kung para sayo, para sayo talaga.
No comments:
Post a Comment